Gutta på tur

Denne turen gjekk av ymse grunnar ikkje ned til Leirvik slik det går fram av Stord Gutta På Tur sitt turprogram for vinter-vår 2025. I staden for tur til Leirvik, gjekk turen i Landåsen-området.

Denne dagen møtte det opp 43 turdeltakarar.

36 av desse var med på hovedturen til Landåsvatnet og Eventyrskogen.

Turlengd: Ca. 5 km

Turleiar: Oddbjørn Kvålsvold

Turen starta frå parkeringsplassen ved E39 undergangen på Vabakkjen. Me gjekk inn til Landåsvatnet, og vidare på austsida av vatnet. Derifrå mot Hestatjørna og Mortjørna. Matpausen blei tatt litt før me kom til Eventyrskogen. Etter matpausen gjekk me forbi Eventyrskogen, og så tilbake til Vabakkjen igjen.

Bilder frå matpausen:

Og på denne videoen kan me høyra han spela.
Foto: Bjørn Østrem

Bilder frå Eventyrskogen:

ALTERNATIV TUR

Det var 7 turdeltakarar som gjekk alternativ tur.

Fem av desse gjekk frå Vabakkjen og heilt fram til gapahuken i Skjepåsen, og tilbake til Vabakkjen igjen. De to andre snudde litt før gapahuken.

Det blei ikkje tatt bilder frå denne turen.

Denne dagen møtte det opp 51 turdeltakarar.

34 av desse var med på turen rundt Ulvatjørna.

Turlengd: Ca. 4-5 km.

Turleiarar: Oddbjørn Kvålsvold og Arne Haugland

Bilane blei parkerte på parkeringsplass eit lite stykke frå klubbhuset til Stord skyttarlag på Isdal. Me gjekk først over Daleelva, og så til høgre ned til leirdueskytebanen. Der tok me til venstre inn på sti vestover gjennom skogen til me kom inn på ein skogsveg. Me gjekk på denne ca. 600 m nordover, vest for Ulvatjørna, og vidare på sti ca. 300 m austover, heilt fram til tjørna der me hadde matpause. Etter matpausen kryssa me bekken som kjem frå Ulvatjørndalen, og kom inn på ein annan skogsveg. Denne følgde me sørover, på austsida av Ulvatjørna og skytebanen, til me kom inn på Skytebanevegen, og gjekk vidare ca. 100 m bort til parkeringsplassen.

Bilder frå matpausen:

ALTERNATIV TUR

Det var 17 turdeltakarar som gjekk alternativ tur.

Turen starta ved Meatjødno på Heiane, og gjekk vidare bak Valvatnafeltet. Tilbake via brakkebyane på Heiane, og under hovudvegen mot Hatland skule. Matpausen var under tak i gamle vedlageret. Vidare derifrå under hovudvegen ved Haugaland kraft, og tilbake til der me starta.

Bilder frå turen:

Denne dagen møtte det opp 50 tur-/ årsmøtedeltakarar.

Turlengd: Ca. 2 km

Turleiar: Egil Isdal

Årsmøtearrangør: Styret i Stord Gutta På Tur

Bilane blei parkerte utanfor klubbhuset til Stord skyttarlag. Turen starta frå klubbhuset, forbi Myra, og ned til Daleelva. Derifrå til Nedre Dale, og vidare ned på Gruvevegen. Me følgde denne vegen ca. 40 m austover før me tok av til venstre opp til klubbhuset til Stord skyttarlag igjen. Etterpå var det årsmøte for 2024 i Stord Gutta På Tur, og matpause etter årsmøtet.

Agenda for årsmøtet: