Turar – referat – Side 5

Tur 934 Øvre Økland-Iglatjødno rundt den 23.01.2025.

I alt møtte det opp 47 turdeltakarar denne dagen.

31 av desse var med på turen til Iglatjødno.

Turlengd: Ca. 5 km

Turleiar: Arne Haugland

Bilane blei parkerte på parkeringsplass ved Vatnadalsvegen der ein kan gå til Stua. Me gjekk først ca. 300 m nordover Vatnadalsvegen før me tok av denne og gjekk vidare på «Gerdastien». I nordenden av «Gerdastien» kryssa me Vatnadalsvegen, og gjekk vidare sørover og vestover til me kom fram til Iglatjødno der me hadde matpause. Etter matpausen gjekk me vidare sørover, svinga så austover rundt Baståsen, og følgde brei skogsveg vidare til Øvre Økland. Derifrå ca. 500 m på Vatnadalsvegen tilbake til parkeringsplassen.

Kartutsnitt der turen er teikna inn med blå strek. Laga av: Sigmund Erland

Me er på Vabakkjen, og turleiaren fortel om turen me skal gå. Foto: Sigmund Erland

Me er komne fram til parkeringsplassen ved Vatnadalsvegen. Foto: Sigmund Erland

Turleiaren er klar til å starta turen. Hjertestartaren er med. Me kan sjå «Villa Vatne» i bakgrunnen.
Foto: Sigmund Erland

Turen har nett starta. Foto: Sigmund Erland

Me er på veg oppover mot Øvre Økland der me skal gå på «Gerdastien».
Foto: Sigmund Erland

Me har nett tatt av frå Vatnadalsvegen og gått inn på «Gerdastien». Turleiaren fortel om eit grustak som var der tilegare. Det blei brukt grus frå dette grustaket då dei laga gravplass ved Tysevegen, ca. 400 m nord for Stord kyrkje.
Foto: Sigmund Erland

Ein liten rest av grustaket, som ikkje er i bruk lenger.
Foto: Sigmund Erland

Bilde frå «Gerdastien».
Foto: Sigmund Erland

Turleiaren fortel om, og viser oss, eit nybygg på Øvre Økland som skal brukast til vedtørking. Foto: Sigmund Erland

Det er litt stigning i starten av stien opp frå Vatnadalsvegen.
Foto: Sigmund Erland

Me er komne inn i skogen, og går sørover, parallelt med Vatnadalsvegen.
Foto: Sigmund Erland

Kvilepause, 2-300 m før me kjem til Iglatjødno. Foto: Sigmund Erland

Her er me på veg inn i Iglatjødno naturreservat, som er eit myrreservat. Føremålet med vernet er å ta vare på eit fint døme på attgroingsmyr og rik flatmyr med svært sjeldne planteartar. Foto: Sigmund Erland

Her ser me det store myrområdet nord for Iglatjødno. Ein kan såvidt sjå Iglatjødno i bakgrunnen. Foto: Sigmund Erland

Me nærmar Iglatjødno, og staden der me skal ha matpause.
Foto: Sigmund Erland

Matpausebilder:

Bilde tatt frå nordenden av Iglatjødno. Foto: Sigmund Erland

Me går vidare etter matpausen. Foto: Sigmund Erland

Og dette bildet er tatt frå austsida av Iglatjødno. Foto: Sigmund Erland

Ein liten kvilepause inne i skogen. Foto: Sverre Vinje

Turleiaren viser oss Baståsen, som er rett ovafor oss. Foto: Sigmund Erland

Me er komne inn på brei skogsveg som går til Øvre Økland. Foto: Sigmund Erland

Her kjem me inn på Vatnadalsvegen, ca. 300 m ovafor parkeringsplassen. Foto: Sigmund Erland

Me er tilbake på parkeringsplassen. Foto: Sigmund Erland

Gruppebilder som blei tatt ved parkeringsplassen:

Etter at gruppebilder var tatt, blei turleiar takka for ein fin og kjekk tur til Iglatjødno.

ALTERNATIV TUR

Det var 16 turdeltakarar som gjekk alternativ tur i Hystadmarka.

Bilder frå turen:

Tur 933 Gamle bossplassen Valvatne-Moldfadleåsen rundt den 16.01-2025.

Grunna ein del våt snø i terrenget, blei den planlagde turen kansellert. Det blei i staden tur i Sagvågs-området.

I alt møtte det opp 41 turdeltakarar denne dagen.

33 av desse var med på turen til Sagvåg.

Turlengd: Ca. 5 km

Turleiarar: Jens Arne Stautland og Harald Stautland

Bilane blei parkerte ved forsamlingshus der Almåsvegen startar. Me gjekk forbi Tjødnalio skule, inn på Sætravikvegen, og opp til Neshadlene. Me følgde Neshadlene, kom forbi Syljesmoget, følgde vegen Høgåsen til endes, og gjekk ned til Grunnavågen der me hadde matpause. Etter matpausen gjekk me over Podlabrua og vidare opp til parkeringsplassen.

Turleiarene Harald Stautland og Jens Arne Stautland. Foto: Sigmund Erland

Bilde frå Vabakkjen der turleiarane fortel om turen me skal gå. Foto: Sigmund Erland

Bilane blei parkerte ved «losjehuset» i Sagvåg. Foto: Sigmund Erland

Turen har nett starta. Almåsvegen i bakgrunnen.
Foto: Sigmund Erland

Turleiar fortel om «Godakjeldo», ei god vasskjelde som blei brukt i tidlegare tider. No går vegen, som me ser på bildet, der denne kjelda var.
Foto: Sigmund Erland

Her går me på gangvegen mellom Sagvågsvegen og Tjødnalio skule. Foto: Sigmund Erland

Me går forbi Tjødnalio skule. Foto: Sigmund Erland

Turleiar fortel om Tjødnalio skule og nærområdet der. Foto: Sigmund Erland

Me møter nokre av turdeltakarane som hadde gått ein annan veg på litt av turen. Foto: Sigmund Erland

Me ser Nestjørna i bakgrunnen der turleiarane hadde skeisa mykje. Foto: Sigmund Erland

Turleiarane hadde også tidlegare brukt denne fotballbanen, som no ikkje tilfredsstiller dagens krav. Foto: Sigmund Erland

Bildet er tatt ved rundkøyringa der Sætravikvegen, Neshadlene og Nesvegen møtest. Turleieiarane fortalde om garden Nes der dei hadde vakse opp. Foto: Sigmund Erland

Bildet er tatt bortover Nesvegen i retning mot garden Nes. Foto: Sigmund Erland

Me går forbi huset til ein av turdeltakarane ved Sætravikvegen. Foto: Sigmund Erlandf

Her går me oppover på ein sti mellom Sætravikvegen og Neshadlene. Foto: Sigmund Erland

Bildet er tatt frå vegen Høgåsen. Kringkastings- og mobilstasjon i bakgrunnen. Foto: Sigmund Erland

Me er på veg nedover mot Grunnavågen. Foto: Sigmund Erland

Matpausebilder:

På veg vidare etter matpausen. Foto: Sigmund Erland

Bilde frå Grunnavågen. Foto: Sigmund Erland

Me går forbi anlegget til ERKO settefisk. Foto: Sigmund Erland

Bildet er frå Grunnavågsvegen. Turleiar fortel om dette området. Foto: Sigmund Erland

Her går me over Podlabrua. Foto: Sigmund Erland

Utsikt frå Podlabrua innover mot Sjøpollen. Me ser den «nye» Grunnavågsvegen i bakgrunnen. Foto: Sigmund Erland

Me er tilbake på parkeringsplassen. Turleiarane blir takka for ein kjekk og interessant tur. Foto: Sigmund Erland

ALTERNATIV TUR

Det var 8 turdeltakarar som gjekk alternativ tur i Landåsen.

Bilder frå turen:

Tur 932 Juleavslutning i Fotballstova med rusletur i nærmiljøet den 19.12.2024

I alt møtte det opp 57 turdeltakarar denne dagen.

Turlengd: Ca. 1,5 km

Turleiarar: Sverre Vinje og Oddbjørn Kvålsvold

Bilane blei parkerte på Vabakkjen. Me gjekk først opp til Stord ungdomsskule der me fekk informasjon om skulen av rektor. Etterpå var det omvisning på skulen. Etter omvisninga gjekk me bort til Fotballstova ved Stord stadion der me hadde juleavslutning med bevertning. Då denne var slutt, gjekk me tilbake til parkeringsplassen.