Kategori: Turar – referat

Denne dagen møtte det opp 51 turdeltakarar.

34 av desse var med på turen rundt Ulvatjørna.

Turlengd: Ca. 4-5 km.

Turleiarar: Oddbjørn Kvålsvold og Arne Haugland

Bilane blei parkerte på parkeringsplass eit lite stykke frå klubbhuset til Stord skyttarlag på Isdal. Me gjekk først over Daleelva, og så til høgre ned til leirdueskytebanen. Der tok me til venstre inn på sti vestover gjennom skogen til me kom inn på ein skogsveg. Me gjekk på denne ca. 600 m nordover, vest for Ulvatjørna, og vidare på sti ca. 300 m austover, heilt fram til tjørna der me hadde matpause. Etter matpausen kryssa me bekken som kjem frå Ulvatjørndalen, og kom inn på ein annan skogsveg. Denne følgde me sørover, på austsida av Ulvatjørna og skytebanen, til me kom inn på Skytebanevegen, og gjekk vidare ca. 100 m bort til parkeringsplassen.

Bilder frå matpausen:

ALTERNATIV TUR

Det var 17 turdeltakarar som gjekk alternativ tur.

Turen starta ved Meatjødno på Heiane, og gjekk vidare bak Valvatnafeltet. Tilbake via brakkebyane på Heiane, og under hovudvegen mot Hatland skule. Matpausen var under tak i gamle vedlageret. Vidare derifrå under hovudvegen ved Haugaland kraft, og tilbake til der me starta.

Bilder frå turen:

Denne dagen møtte det opp 50 tur-/ årsmøtedeltakarar.

Turlengd: Ca. 2 km

Turleiar: Egil Isdal

Årsmøtearrangør: Styret i Stord Gutta På Tur

Bilane blei parkerte utanfor klubbhuset til Stord skyttarlag. Turen starta frå klubbhuset, forbi Myra, og ned til Daleelva. Derifrå til Nedre Dale, og vidare ned på Gruvevegen. Me følgde denne vegen ca. 40 m austover før me tok av til venstre opp til klubbhuset til Stord skyttarlag igjen. Etterpå var det årsmøte for 2024 i Stord Gutta På Tur, og matpause etter årsmøtet.

Agenda for årsmøtet:

I alt møtte det opp 45 turdeltakarar denne dagen.

37 av desse var med på turen til Svortland.

Turlengd: Ca. 5 km

Turleiar: Anders Stavland.

Bilane blei parkerte på parkeringsplass i enden av Idrettsvegen, nær Svortland skule. På vegen mot Fet gjekk dei fleste turdeltakarane «Refleksløypa» gjennom skogen fram til nordenden av Raunavatnet. Derifrå rundt rundløypa på Fet, og vidare fram til gapahuken til Bømlo turlag der me hadde matpause. Etter matpausen gjekk me ned til Raunavatnet brygge. På tilbaketuren til parkeringsplassen gjekk me lysløypa, der det var brei og fin turveg.

Bilder frå matpausen:

ALTERNATIV TUR

Det var 8 turdeltakarar som gjekk alternativ tur.

Turen starta ved Meatjødno på Heiane, og gjekk vidare bak Valvatnafeltet. Tilbake via brakkebyane på Heiane, og under hovudvegen mot Hatland skule. Matpausen var under tak i gamle vedlageret. Vidare derifrå under hovudvegen ved Haugaland kraft, og tilbake til der me starta. Ein god tur i godt lag.

Det blei ikkje tatt bilder på denne turen