Sigmund Erland – Side 11

Tur 923 Tur i Eldøy-området med besøk på museet på Verftet i lag med GPT – Bømlo den 17.10.2024

I alt møtte det opp 41 turdeltakarar frå Stord GPT og 13 turdeltakarar frå GPT – Bømlo denne dagen.

Ca. 10-15 turdeltakarar gjekk alternativ tur direkte frå Vabakkjen ned til verftet på Kjøtteinen.

Resten av dei frammøtte køyrde med bilar og parkerte ved Eldøy Båthamn.

Turleiar: Oddbjørn Kvålsvold

Frå Eldøy Båthamn gjekk me langs vegane Krono, Eldøyane, Verftsvegen, Nedre Hageby og Kjøtteinsvegen fram til Aker Solutions på Stord. Me hadde matpause i Velferdshuset der me fekk servert kaffi og wienerbrød, og kommunikasjonsdirektør Odd Naustdal heldt interessant foredrag for oss om verftet frå starten av og fram til i dag. Etterpå var det besøk på Industrimuseet der me kunne gå rundt å sjå på gjenstander og bilder frå tidlegare tider. Og folk frå historiegruppa svarte velvillig på spørsmål når me lurte på noko. Turen tilbake til bilane gjekk langs vegane Verftsvegen, Lauvdalen, Eldøyvegen, Høgestølen, Hybelsneset og Nesjahaugen. Det var på alle måtar ein godt planlagt, og særs vellukka, tur.

Kartutsnitt der turen er teikna inn mede blå strek. Foto: Sigmund Erland

Bilde frå oppmøte på Vabakkjen der turleiaren orienterer om turen me skal gå. Foto: Sigmund Erland

Frå parkerinsplassen ved Eldøy Båthamn. Foto: Sigmund Erland

Turen har nett starta . Første strekninga går langs sjøen i retning mot Aker Solutions på Stord. Foto: Sigmund Erland

Turleiaren stoppa ein del gonger på turen der han fortalde mykje interessant om dei stadene me gjekk forbi. Eldøy Mekaniske Verksted i bakgrunnen. Foto: Sigmund Erland

Me gjekk saman med GPT – Bømlo denne dagen, og me var ein heil flokk på tur.
Foto: Sigmund Erland

Her måtte me ta ein «kunstpause» fordi det var avtalt tid for frammmøte på verftet. Turleiaren nytta høvet til å fortelja om området me var i. Foto: Sigmund Erland

Turleiaren fortel om då han som 17-åring byrja som lærling ved Stord Verft.
Foto: Sigmund Erland

Me er komne fram til «Akerhus». Foto: Sigmund Erland

Kan dette vera beredskapsdoen til verftet dersom det oppstår ein krisesituasjon?
Foto: Sigmund Erland

Me er på veg til Velferdshuset der me skal ha matpause og få informasjon om Aker Solutions på Stord.
Foto: Sigmund Erland

Fint veggmaleri på austveggen på Velferdshuset.
Foto: Sigmund Erland

Åsta Lorentsen i Historiegruppa på Kjøtteinen Industrimuseum, ønskte oss velkommen til Aker Solutions på Stord i Velferdshuset. Der hadde me matpause, og fekk også servert kaffi og wienerbrød. Foto: Sigmund Erland

Kommunikasjonsdirektør Odd Naustdal heldt interessant foredrag for oss om verftet frå starten av og fram til i dag.
Foto: Sigmund Erland

Turleiaren takka Odd Naustdal for at me hadde fått koma på besøk til Aker Solutions på Stord, og for mykje interessant informasjon om verftet.
Foto: Sigmund Erland

Etter matpause og foredrag gjekk me frå Velferdshuset opp til Industrimuseet.
Foto: Sigmund Erland

Her held dei på og lagar modell av Statfjord A – plattformen. Foto: Sigmund Erland

Vandring i industrimuseet. Foto: Sigmund Erland

Modell av ROTADISC TØRKE TST-200. Brukt i produksjonen av fiskemjøl, kjøt/beinmjøl, og til tørking av kjemikalier og kloakkslam. Foto: Sigmund Erland

Modell av Skomvær II, bygd av A/S Stord Verft, og sjøsett i 1960. Foto: Sigmund Erland

Modell av TT Beamont, bygd ved A/S Stord Verft, døypt 07.02.1976.
Foto: Sigmund Erland

Det starta med sildoljefabrikk i 1919. Foto: Sigmund Erland

Aker Elektro var her. Foto: Sigmund Erland

Bilde av bedriftas grunnleggjar, kaptein Theodor Onarheim (1880-1964). Foto: Sigmund Erland

På industrimuseet såg ein av turdeltakarane bilde av seg sjølv (nr. 4 frå venstre) frå den tida han arbeidde ved verftet.
Foto: Sigmund Erland

Her forlet me industrimuseet, og har starta tilbaketuren til parkeringsplassen.
Foto: Sigmund Erland

Turleiaren deler kunnskapane sine med dei andre turdeltakarane. Veldig interessant å høyra han fortelja.
Foto: Sigmund Erland

Krana «Ivan» blir brukt til demolering av oljeinstallasjonar. Den er 137 meter høg, og er nyleg sertifisert for vidare bruk.
Foto: Sigmund Erland

Her blir det orientert om båthamna nedanfor. Foto: Sigmund Erland

Og her kjem me tilbake til parkeringsplassen.
Foto: Sigmund Erland

Ein representant for Gutta På Tur – Bømlo takkar turleiaren for ein godt planlagt og innhaldsrik tur.
Foto: Sigmund Erland

Turleiaren blir her takka av alle turdeltakarane for ein veldig kjekk og interessant tur.
Foto: Sigmund Erland

Tur 922 Botsvik-Grønsmette-Osen-Rossneset-Botsvik den 10.10.2024.

I alt møtte det opp 38 denne dagen.

27 av desse var med på turen til Rossneset.

Turlengd: Ca. 3,5 km

Turleiar: Egil Isdal

Me parkerte bilane ved krysset Isdalsvegen/Litlabøvegen. Derifrå gjekk me ca. 0,5 km austover langs Litlabøvegen før me tok av til venstre og gjekk inn i skogen. Me gjekk sørover og vestover til me kom til Osen, og vidare til «Bålhuset» der me hadde matpause. Etter matpausen gjekk me til gruvetunnel nesten heilt ytterst på Rossneset. Derifrå gjekk me same vegen tilbake ca. 0,5 km, gjekk forbi staden Botsvik, og følgde vegen Båtsvikjo tilbake til parkeringsplassen.

Kartutsnitt der turen er teikna inn med blå strek. Foto: Sigmund Erland

Frå parkeringsplassen ved krysset mellom Isdalsvegen og Litlabøvegen. Foto: Sigmund Erland

Turleiaren fortel om området me skal gå i, og om raidet på Litlabø i 1943. Foto: Sigmund Erland

Me starta med å gå ca. 500 m på Litlabøvegen i retning mot Leirvik.
Foto: Sigmund Erland

Her tar me av frå Litlabøvegen og går inn i skogen i retning mot Osen. Foto: Sigmund Erland

Her er me inne i skogen. Foto: Sigmund Erland

Kva treslag er dette? Foto: Sigmund Erland

Her blir det orientert om sti mot Vassenden som Stord Gutta På Tur ønskjer å rusta opp dersom dei får tildelt midlar som dei har søkt om. Foto: Sigmund Erland

Me kjem ned til Storavatnet. Foto: Sigmund Erland

Ved Osen er det ei skrøpeleg trebru over Daleelva som me skulle gå over. Turdeltakaran på bildet går ut på brua som førstemann for å testa om brua held.
Foto; Sigmund Erland

Det gjekk bra med førstmann, så dei andre gjekk også ut på brua, men med god avstand mellom kvar mann. Foto: Sigmund Erland

Alle kom seg velberga over. Stord Gutta På Tur har også søkt om midler til å få skifta ut denne brua, med nye fundament og ny bru. Foto: Sigmund Erland

Bilde av Daleelva der ho renn nedover mot osen i Storavatnet. Foto: Sigmund Erland

Turdeltakarane i godt driv. Det nærmar seg matpause. Foto: Sigmund Erland

«Bålhuset» i sikte. Foto: Sigmund Erland

Her er det sitjeplass til alle, både inne og ute. Foto: Sigmund Erland

Det er tid for å gå vidare. Foto: Sigmund Erland

Turleiaren fortalde at det snart kjem ein 4 meter brei skogsbilveg her. Foto: Sigmund Erland

Me gjekk forbi ei hustuft frå 1867. Foto: Sigmund Erland

Me gjekk forbi ein del nobelgrantre. På plakaten er det informasjon om dette treslaget. Foto: Sigmund Erland

Skogbotn er her dekka av mose. Foto: Sigmund Erland

Inngang til gruvetunnel på Rossneset der det blei tatt ut svovelkis frå 1865 til ca. 1875. Foto: Sigmund Erland

Turleiaren orienterer her om svovelkisuttaket i denne gruvetunnelen og andre stader i Litlabø-området. Foto: Sigmund Erland

Stormen «Nina» herja mykje på Rossneset i januar 2015. Foto: Sigmund Erland

Her er det funne giftig sopp. Foto: Sigmund Erland

Det er ein spiss giftslørsopp, som er ein svært giftig skivesopp, som ikkje må forvekslast med matsopp. Foto: Sigmund Erland

Me går ut av skogen i Botsvik. Foto: Sigmund Erland

Me følgde Daleelva oppover mot parkeringsplassen. Her er det ein demning der det tidlegare var eit sagbruk. Foto: Sigmund Erland

Me er tilbake til parkeringsplassen. Foto: Sigmund Erland

Turleiaren blir takka for ein fin og interessant tur. Foto: Sigmund Erland

ALTERNATIV TUR

Det var 11 turdeltakarar som gjekk alternativ tur til Hauglandskverna.

Her er bilder og videoar frå turen:

Alle bilder og videoar er mottatt frå Bjørn Østrem.

Tur 921 Rundtur i Gåslandsmarka (Bømlo) den 03.10.2024.

I alt møtte det opp 36 denne dagen.

21 av desse var med på turen til Gåslandsmarka.

Turlengd: Ca. 3-4 km

Turleiar: Sigurd Riise

Me køyrde nordvestover på riksveg 5004 forbi Urangsvåg, og tok av til venstre inn på Sæverudsøyvegen. Etter ca. 1 km tok me på nytt til venstre, og parkerte bilane på parkeringsplass der vegen Straumen startar. Me gjekk først ned til Søre Glipholmsstraumen. Så gjekk me ca. 300 m tilbake same vegen, og tok til høgre mot Pøyletjørna. Me gjekk på sørsida av Pøyletjørna nesten fram til Urang, svinga nordover, og gjekk opp til Hamratårnet der me hadde matpause. Etter matpausen gjekk me i terrenget ned til Sæverudsøyvegen, og følgde denne vegen tilbake til parkeringsplassen.