Tur 915 Børøya rundt (Bømlo)

I alt møtte det opp 45 denne dagen.

34 av desse var med på turen til Børøya.

Turlengd: Ca. 3 km.

Ver: Regn heile tida.

Turleiarar: Peggy Bærøy og Toralf Røen.

Bilane blei parkerte rett før brua som går over til Børøya (Børøybrua). Før me starta å gå, fortalde Peggy Bærøy mykje interessant om Børøya, både frå eldre og nyare tider. Me gjekk over brua, og følgde Børøyvegen ca. 400 m før me tok av til venstre inn på ein veg gjennom skogen fram til Olsvika. Deretter gjekk me litt tilbake igjen, og så til ein stad mellom Olsvika og Gardsvika der det er ei hytte som tidlegare var for dei tilsette hos Engevik Bygg . Me gjekk så vidare gjennom skogen fram til huset til turleiar Peggy Bærøy. Der fekk alle som ønskte det, koma inn og eta medbrakt niste. Etter matpausen gjekk me ned til Børøyvegen att, og følgde så vegen tilbake til parkeringsplassen .