mai 2025 – Gutta på tur

Tur 949 Sjoalemyro-Vadvegen-Hauglandskverna-vestside av Sjolemyro, den 22.05.2025.

I alt møtte det opp 44 turdeltakarar denne dagen.

33 av desse var med på turen rund Sjoalemyro.

Turlengd: Ca. 5 km

Turleiar: Oddbjørn Kvålsvold

Me parkerte bilane langs Lundssetervegen, ved Sjoalemyro. Frå parkeringsplassen gjekk me gjennom skogen, på austsida av Sjoalemyro, fram til Vadvegen, og følgde Vadvegen nordover til Hauglandskverna der me hadde matpause. Etter matpausen gjekk me frå Hauglandskverna, på vestsida av Sjoalemyro, tilbake til parkeringsplassen.

Kartutsnitt der turen me gjekk er teikna inn med blå strek. Sti/traktorveg mellom A og B er ein alternativ turveg ein gå dersom ein ønskjer ein kortare rundtur. Laga av: Sigmund Erland

På parkeringsplassen ved Sjoalemyro. Stovegolvet i bakgrunnen.
Foto: Sigmund Erland

Turleiar denne dagen. Foto: Sigmund Erland

Turleiaren orienterer om skogsvegar som er bygde på Stord. Foto: Sigmund Erland

Turen har nett starta frå parkeringsplassen. Foto: Sigmund Erland

Me tar av frå Lundssetervegen og går sørvestover inn i skogen. Foto: Sigmund Erland

Me er komne ca. 200 m inn i skogen. Foto: Sigmund Erland

Turleiaren fortel om tidlegare skogreisingsleiar, om dei som bygde skogsvegar, og kva maskinar dei brukte. Foto: Sigmund Erland

Her blir det sjekka om det seinare kan bli blåbær å plukka. Foto: Sigmund Erland

Me kjem fram til eit dyrka område, ca. 600 m frå parkeringsplassen. Denne staden er merka med A på kartutsnittet. Herifrå kan ein gå ein alternativ turveg tvers over til turvegen mellom Hauglandskverna og Sjolalemyro. Foto: Sigmund Erland

Her går me på bru over Buskasmogbekkjen, ca. 150 m før me kom fram til Vadvegen. Foto: Sigmund Erland

Her sit me ved bordet som Stord Gutta På Tur utplasserte ved Vadvegen den 12.03.2024. Foto: Sigmund Erland

Pause ca. 100 m før Hauglandskverna. Foto: Sigmund Erland

Bilder frå matpausen:

Matpausen er slutt, og tilbaketuren til Sjoalemyro på annan sti har starta. Gapahuk til venstre, og Hauglandskverna til høgre. Foto: Sigmund Erland

Turgjengen – på ei rekkje. Foto: Oddbjørn Kvålsvold

Me er komne til staden som er merka med B på kartutsnittet. Foto: Sigmund Erland

Her kjem me ut av skogen og inn på Lundssetervegen. Foto: Sigmund Erland

Tilbake på parkeringsplassen blei turleiaren takka for ein fin og interessant tur rundt Sjoalemyro. Foto: Sigmund Erland

ALTERNATIV TUR

Det var 11 turdeltakarar som gjekk alternativ tur denne dagen.

9 stk. valde å gå tur i Landåsen og til gapahuken i Skjepåsen. Ein av desse måtte avbryta turen før han kom fram, på grunn av andre oppgåver.

2 stk. valde å gå til Hauglandskverna og møta dei som gjekk rundt Sjoalemyro.

Tur 948 til Kaldestadåsen (Kvinnherad), den 15.05.2025

I alt møtte det opp 41 turdeltakarar denne dagen.

19 av desse var med på turen til Kaldestadåsen.

Turlengd: Ca 4 km

Turleiarar: Kjell Vestrheim (Frå Stord Gutta På Tur) og Margot Sjo (Lokal turleiar)

Me parkerte bilane på parkeringsplassen ved grendahuset på Kaldestad. Derifrå gjekk me på traktorveg og gode stiar forbi utsiktspunkt og opp til toppen av Kaldestadåsen der me hadde matpause. Etter matpause i flott vær, gjekk me same vegen tilbake til parkeringsplassen.

Kartutsnitt der turen er teikna inn med blå strek.
Laga av: Sigmund Erland

Oppmøte på Vabakkjen før utreise til Kaldestadåsen. Foto: Sigmund Erland

Turleiar orienterer på ferja om turen me skal gå . Foto: Sigmund Erland

Me parkerte ved grendahuset på Kaldestad. Foto: Sigmund Erland

Til venstre: Turleiar frå Stord Gutta På Tur. Til høgre: Lokal turleiar som var med oss på turen. Foto: Sigmund Erland

Turen har nett starta. Foto: Sigmund Erland

Me gjekk forbi ein gammal hesteslåmaskin. Foto: Sigmund Erland

Me går oppover på god traktorveg. Husnesfjorden og Hovlandsnuten (Tysnes) i bakgrunnen. Foto: Sigmund Erland

Vegvisarane viser at det går fleire stiar opp mot Kaldestadåsen. Foto: Sigmund Erland

Det var lagt ned mykje arbeid med stien til Kaldestadåsen, og den var god å gå på. Foto: Sigmund Erland

Ca. 900 m langs stien frå toppen av Kaldestadåsen, var det laga til eit utsiktspunkt. Foto: Sigmund Erland

Her var det sett opp ein liten gapahuk, og utsiktsplatting. Foto: Sigmund Erland

Utsikt mot Husnes, aluminiumsverket til Hydro Husnes, og Englafjell (1200 moh) over aluminiumsverket. Foto: Sigmund Erland

Onarheimsvågen (sjø) lengst til venstre i bildet, og Opsangervatnet til høgre. Foto: Sigmund Erland

Ein av turteltakarane nytta høvet til å bruka denne huska på utsiktpunktet.
Foto: Sigmund Erland

Inne i gapahuken på utsiktspunktet. Foto: Sverre Vinje (?)

Arne Torget sitt dikt om Stegabrekko. Foto: Sigmund Erland

Her blir det skrive inn i turboka. Foto: Sigmund Erland

Her er det ca. 250 m igjen til toppen av Kaldestadåsen. Foto: Sigmund Erland

Og her er me komne heilt til toppen av Kaldestadåsen, 271 moh. Foto: Sigmund Erland

Også her var det god utsikt mot Husnes. Foto: Sigmund Erland

Bilde av Hydro Husnes sitt aluminiumsverk, som er ca. 1 km langt. Foto: Sigmund Erland

Utsikt mot Bogsnesvågen og Onarheimsvågen. Hydro Husnes heilt til høgre i bildet. Foto: Sigmund Erland

Inne i gapahuken på Kaldestadåsen. Foto: Sigmund Erland

Inngangen til gapahuken. Foto: Sigmund Erland

Bilder frå matpausen:

Turdeltakar som les om «Hentesveisen». Foto: Sigmund Erland

Og ein annan turdeltakar som underheldt oss med fin tussefløytemusikk i matpausen.
Foto: Sigmund Erland

Turløypeoversikt i nærområdet til Kaldestadåsen. Foto: Sigmund Erland

Matpausen er slutt, og ein av turdeltakarane nyt utsikta før nedturen startar. Foto: Sigmund Erland

Nedstigning, ikkje langt frå utsiktspunktet. Foto: Sigmund Erland

Me er komne tilbake til parkeringsplassen, og den lokale turleiaren får ein god klem av turleiaren frå Stord Gutta På Tur for at ho ville vera med oss til Kaldestadåsen.
Foto: Frivillig, forbipasserande fotograf.

Og begge turleiarane blei takka for ein fin og kjekk tur til Kaldestadåsen. Foto: Sigmund Erland

ALTERNATIV TUR

Me var 22 turdeltakarar som gjekk alternativ tur denne dagen.

Etter forslag frå Helge, valde me å kjøra til parkeringsplassen ved banene i Nordbygda. Der tok Helge oss først med på ein rundtur gjennom Ådlandsskogen, og deretter opp til Dronning Sonjas plass der me hadde lunsj. Etterpå gjekk me forbi ungdomsskolen og Hystad skule, retur via Kleivane med fantastisk utsikt til Kvinnherad.

Ådlandsskogen, der det no var tørt, var ei god oppleving for oss alle. Hadde ein god rasteplass ved ei flott leikehytte som ein barnehage hadde fått sett opp. Ein flott tur.

Referent: Bjarte Gunnarson

Bilder frå turen:

Tur 947 til dagsturhytta i Sveio (Auklandshamn), den 08.05.2025.

I alt møtte det opp 44 turdeltakarar denne dagen.

28 av desse var med på turen til dagsturhytta i Sveio.

Turlengd: 4,8 km

Turleiar: Knut Reidar Borgenvik

Me parkerte bilane på parkeringsplassen ved Auklandshamn Landhandel. Frå parkeringsplassen gjekk me 2,4 km sørover til dagsturhytta «Nipaståvo» i Sveio. Etter matpausen, som me hadde i flott ver utanfor dagsturhytta, gjekk me same vegen tilbake til parkeringsplassen.