22. april 2025 – Gutta på tur

I alt møtte det opp 39 turdeltakarar denne dagen.

18 av desse var med på turen til Morkavatnet.

Turlengd: Ca. 5 km

Turleiar: John Førland

Bilane blei parkerte på parkeringsplass ca. 250 m nord for Rydlandssaga. Me gjekk på traktorveg/sti opp til der me kryssa bekken som kjem frå Fuglatjørna. Der tok me til høgre av traktorvegen, og gjekk vidare på merka tursti opp til Morkavatnet der me hadde matpause. Etter matpausen gjekk me gjennom skogen i nordvest-enden av Morkavatnet, og kom inn på den same traktorvegen nesten opp ved vatnet. Me følgde så traktorvegen heile vegen tilbake til parkeringsplassen.

Kartutsnitt der turen er teikna inn med blå strek. Laga av: Sigmund Erland

Turleiar denne dagen. Foto: Sigmund Erland

Bilde frå parkeringsplassen. Turleiaren orienterer om turen me skal gå. Foto: Sigmund Erland

Turen har nett starta. Foto: Sigmund Erland

Me passerer gapahuken ved Stemmetjørna, ca. 100 m frå parkeringsplassen. Foto: Sigmund Erland

Dette skiltet står ved gapahuken. Foto: Sigmund Erland

Stemmetjørna og gapahuken i bakgrunnen. Foto: Sigmund Erland

Me er i ei stigning nær Flona, 7-800 m frå parkeringsplassen. Foto: Sigmund Erland

Her går me over bekken som kjem frå Fuglatjørna.
Foto: Sigmund Erland

Me gjekk på ein traktorveg/sti opp til brua der me kryssa bekken. Her tok me av til høgre frå traktorvegen og gjekk mot Morkavatnet. Foto: Sigmund Erland

Me er nett komne inn på den godt merka stien mot Morkavatnet. Me ser ein ås sørvest for Morkavatnet. Toppen på åsen er 274 moh. Har ikkje klart å finna noko namn på denne åsen. Foto: Sigmund Erland

Me er komne opp til Morkavatnet. Foto: Sigmund Erland

Bru over bekken som renn ut av Morkavatnet. Går ein over denne brua, kjem ein inn på sti som går vidare til Barlindedalsvatnet.
Foto: Sigmund Erland

Bilder frå matpausen:

Denne brua kunne ein også sitja på i matpausen. Foto: Sigmund Erland

Det ligg ei hytte på andre sida av Morkavatnet. Traktorvegen/stien me gjekk på i starten av turen, endar ved denne hytta. Foto: Sigmund Erland

Matpausen er slutt. Me skal gå gjennom skogen bort til traktorvegen. Foto: Sigmund Erland

Her er skogen tett, og greiner må bøyast til side for å kunne koma fram.
Foto: Sigmund Erland

Me er komne ut på traktorvegen. Foto: Sigmund Erland

Traktorvegen er god å gå på der me kjem ut av skogen. Foto: Sigmund Erland

Men kan vera utfordrande lenger nede. Foto: Sigmund Erland

Me er komne ned til Stemmetjørna att.
Foto: Sigmund Erland

Og passerer på nytt gapahuken. Foto: Sigmund Erland

Tilbake på parkeringsplassen blei turleiaren takka for ein fin og kjekk tur til Morkavatnet. Foto: Sigmund Erland

ALTERNATIV TUR

Det var 21 turdeltakarar som gjekk alternativ tur denne dagen. 19 av desse gjekk i Hystadmarka frå Sævarhagsvikjo til Sveisen, og tilbake igjen. Dei to andre gjekk ein annan tur. Det var mange stopp på turen i Hystadmarka der lokalhistoria og faunaen vart drøfta. Ein av turdeltakarane song ei vise i matøkta som var på stranda innom Tyttebærholmen.

Bilder frå turen: