desember 2024 – Gutta på tur

Tur 932 Juleavslutning i Fotballstova med rusletur i nærmiljøet den 19.12.2024

I alt møtte det opp 57 turdeltakarar denne dagen.

Turlengd: Ca. 1,5 km

Turleiarar: Sverre Vinje og Oddbjørn Kvålsvold

Bilane blei parkerte på Vabakkjen. Me gjekk først opp til Stord ungdomsskule der me fekk informasjon om skulen av rektor. Etterpå var det omvisning på skulen. Etter omvisninga gjekk me bort til Fotballstova ved Stord stadion der me hadde juleavslutning med bevertning. Då denne var slutt, gjekk me tilbake til parkeringsplassen.

Kartutsnitt der turen er teikna inn med blå strek. Foto: Sigmund Erland

Formannen i Stord Gutta På Tur orienterer om programmet den siste turdagen før jul. Me skal først besøkja Stord ungdomsskule, og deretter ha juleavslutning i Fotballstova. Foto: Sigmund Erland

Her går me frå parkeringsplassen på Vabakkjen opp mot Stord ungdomsskule. Foto: Sigmund Erland

Me kjem fram til Stord ungdomsskule. Foto: Sigmund Erland

Framfor hovudinngangen. Foto: Sigmund Erland

Me blir mottekne av rektor Rune Valvatne Ask. Foto: Sigmund Erland

Og Rune Nilsen frå administrasjonen. Foto: Sigmund Erland

Gruppebilde tatt i samlingsrommet på Stord ungdomsskule. Her informerer rektor om skulen.
Foto: Rune Valvatne Ask

Me fekk omvisning. Her bilde frå kjemirommet. Foto: Sigmund Erland

Og her bilde frå sløydrommet. Foto: Sigmund Erland

Rektor blei takka for at Stord Gutta På Tur fekk koma på besøk på Ungdomsskulen denne dagen. Foto: Sigmund Erland

Denne skulpturen er plassert utanfor hovudinngangen. Foto: Sigmund Erland

Me er på veg til Fotballstova der me skal ha juleavslutning. Foto: Sigmund Erland

Juleavslutningskomiteen hadde dekka på langbord før me kom til Fotballstova. Foto: Sigmund Erland

Program for juleavslutninga i Fotballstova. Foto: Sigmund Erland

Ordstyrar på juleavslutninga. Foto: Sigmund Erland

Han stod for tonefølgje og andre musikalske innslag på fiolin.
Foto: Sigmund Erland

Allsong til fiolinspel.
Foto: Sigmund Erland

Desse las opp dikt og forteljingar, fortalde historiar, hadde musikalske innslag og fortalde om kjekke opplevingar som medlem i Stord Gutta På Tur:

Video: Bjørn Østrem

Her blir det orientert om busstur til Oslo 26.-29. mai 2025 der damene til medlemmene i Stord Gutta På Tur kan vera med. Foto: Sigmund Erland

Her får me god suppe og brød. Foto: Sigmund Erland

Suppa me fekk smakte veldig godt. Foto: Sigmund Erland

Formannen i Stord Gutta På Tur sa nokre ord til slutt der han mellom anna skrytte av medlemmene og det gode miljøet og samhaldet som er i dette turlaget.
Foto: Sigmund Erland

Formannen i Stord Gutta På Tur deler ut gåvekort som påskjønning til dei to medlemmene til høgre i bildet. Foto: Bjørn Østrem

Tur 930 Sagvåg-Litlabø-Nysæter-Dyråsen-Elvevegen ned til Holmen-Sagvåg

Denne turen var opprinneleg planlagt å gå den 05.12.2024, men blei av ymse grunnar flytta til den 12.12.2024.

I alt møtte det opp 41 turdeltakarar denne dagen.

29 av desse var med på turen til Sagvåg.

Turlengd: Ca. 7 km

Turleiar: Knut Reidar Borgenvik

Bilane blei parkerte i Skjepavikjo i Sagvåg. Me kryssa Sagvågsvegen og gjekk gjennom tunnelen til Vassneset. Vidare følgde me den tidlegare utskipningsvegen frå Litlabø gruver, gjekk rundt Nysæterneset, og følgde stort sett utskipningsvegen vidare til Litlabø. Der snudde me, og gjekk tilbake til Sagvåg bygdalag sin gapahuk på Vaskeriplanet, der me hadde matpause. Etter matpausen gjekk me same vegen tilbake til Fletaneset, men då utan å gå rundt Nysæterneset. Frå Fletaneset gjekk me opp til Dyråsen, gjekk ca. 200 m på Sagvågsvegen, og gjekk ned Einarsdalen til me kom ned til sjøen. Til slutt følgde me vegen Skjepavikjo tilbake til parkeringsplassen.

Kartutsnitt der turen er teikna inn med blå strek. Laga av: Sigmund Erland

Turleiaren (midt i bildet) fortel om turen me skal gå. Foto: Sigmund Erland

Turen har nett starta frå parkeringsplassen. Foto: Sigmund Erland

Me kryssar Sagvågsvegen. Foto: Sigmund Erland

Turleiaren orienterer om Sagvåg sentrum. Foto: Sigmund Erland

Me skal gå gjennom tunnelen mellom Sagvågsvegen og Vassneset. Me ser tunnelinngangen i bakgrunnen. Foto: Sigmund Erland

Tunnelen er oppussa i seinare tid, og er lys og fin. Foto: Sigmund Erland

Her kjem me ut på Vassneset. Foto: Sigmund Erland

Dette var tidlegare Telenor sitt stasjonsbygg i Sagvåg. Det er no i privat eige. Foto: Sigmund Erland

Me gjekk vidare nordaustover på vegen der det tidlegare var elektrisk jernbane mellom Litlabø gruver og utskipningshamna på Grunnavågsneset. Foto: Sigmund Erland

Turleiaren fortel om badeplassen på Fletaneset. Foto: Sigmund Erland

Det er fint med bord og benker på Fletaneset.
Foto: Sigmund Erland

Me gjekk forbi ei forviten geit og nokre høner. Foto: Sigmund Erland

Her fortel turleiaren om buplassar til kjende næringslivsfolk i Sagvåg. Me ser Myravågen i Storavatnet nedanfor. Foto: Sigmund Erland

Me er på Nysæterneset. Her har dei pynta til jul. Foto: Sigmund Erland

Me går forbi eit renovert hus frå gruvetida. Foto: Sigmund Erland

Utsikt frå Nysæterneset mot Storavatnet. Høgåsen med telemast i bakgrunnen. Foto: Sigmund Erland

Utsikt frå Nysæterneset mot Almåstre. Foto: Sigmund Erland

Dette huset på Nysæterneset blei bygd som bedriftsbarnehage for Aker Elektro. Det er no i privat eige. Foto: Sigmund Erland

Me går gjennom ein liten tunnel på ein gangveg mellom Nysæterneset og Nysætervegen. Foto: Sigmund Erland

Nysætervegen er for tida stengd på grunn av anleggsarbeid i retning mot Sagvågsvegen. Omkøyring er forbi Nysæter ungdomsskule. Foto: Sigmund Erland

Nysæter landhandel var tidlegare i dette huset.
Foto: Sigmund Erland

Me møtte eit medlem av Stord Gutta På Tur som var ute i anna ærend denne dagen. Her fortel han ei god historie til turdeltakarane.
Foto: Sigmund Erland

Me er komne fram til Samfunnshuset på Litlabø. Turleiaren fortel om huset og aktivitetar i dette huset. Foto: Sigmund Erland

Turdeltakarane synest turleiaren har mykje interessant å fortelja. Foto: Anders Stavland

Her er me på grøntområdet på Litlabø. Dette har m.a. vore ein populær plass for fricamping med bubilar. No er det skilt der det står «Parkering forbode for motorkjøretøy». Foto: Sigmund Erland

Me går frå grøntområdet mot Litlabø. Foto: Sigmund Erland

Dette er «Vaggen», eit minne om gruvene på Litlabø 1865-1968. Foto: Sigmund Erland

Det er sett opp skilt som viser vegen til Stordø Kisgruber Gruvemuseum.
Foto: Sigmund Erland

I dette bygget var tidlegare «Lillebø samvirkelag».
Foto: Sigmund Erland

Me går forbi Litlabø barnehage. Foto: Sigmund Erland

Me har snudd, og me går på gangvegen mellom vegen Gruva og gapahuken til Sagvåg Bygdalag. Foto: Sigmund Erland

Matpause i gapahuken til Sagvåg Bygdalag. Foto: Sigmund Erland

Ein av turdeltakarane peikar på amerikahumleblom. Den blei innført som hagestaude til Bergen i 1944, og har spreidd seg veldig mykje etter den tid. Foto: Sigmund Erland

Me skal gå ned til høgre på vegen Einarsdalen. «Blåbygget» i bakgrunnen. Foto: Sigmund Erland

Ein liten stans i Einarsdalen. Foto: Sverre Vinje

Her var det tidlegare sagbruk. Foto: Sigmund Erland

Og her renn bekken frå Storavatnet ut i Sagvågen. Foto: Sigmund Erland

Det var stilt på sjøen denne dagen. Sagvåg brygge i bakgrunnen.
Foto: Sigmund Erland

Me nærmar oss vegkrysset der Sagvågsbrekko går opp mot Sagvågsvegen.
Foto: Sigmund Erland

Me er tilbake på parkeringsplassen. Turleiaren (nede til høgre) blir takka for ein kjekk og intereressant tur. Foto: Sigmund Erland

ALTERNATIV TUR

Det var 12 turdeltakarar som gjekk alternativ tur.

Bilane blei parkerte ved Statnett sin stasjon på Litlabø. Turen gjekk oppover Hustrudalen. Matpausen blei tatt i gapahuken der. Etterpå gjekk turdeltakarane tilbake til parkeringsplassen.

Det blei ikkje tatt bilder på denne turen.

Tur 931 Saneset-Ådlandsskogen-Håvåsen-Nordbygdo ungdomsskule-Saneset den 05.12.2024.

Denne turen var opprinneleg planlagt å gå den 12.12.2024, men blei av ymse grunnar flytta til den 05.12.2024.

I alt møtte det opp 43 turdeltakarar denne dagen.

29 av desse var med på turen i Ådlandsskogen.

Turlengd: Ca. 4 km

Turleiar: Arne Haugland

Bilane blei parkerte på parkeringsplassen på Saneset. Me kryssa Europaveg E39 og gjekk inn i Ådlandsskogen frå Ådlandsvegen, ca. 50 m ovafor E39. Turen gjekk gjennom Ådlandsskogen fram til Nordbygdo ungomsskule, der me hadde matpause. Vidare gjekk me forbi Hystad skule og opp til Telenor sin stasjon på Håvåsen. Derifrå gjekk me ned gjennom Ådlandsfeltet og fram til Lekven-eigedomen på Ådland. Etter ein liten stans der, gjekk me inn i Ådlandsskogen igjen, og kom etter ei stund tilbake til der me tidlegare hadde gått inn i skogen. Til slutt følgde me Ådlandsvegen og Fjellgardsvegen tilbake til parkeringsplassen.

Turen har nett starta frå parkeringsplassen på Saneset. Turleiaren går fremst. Me ser Ådlandsvatnet i bakgrunnen. Foto: Sigmund Erland

Me har kryssa E39 og gått inn på Ådlandsvegen. Her forlet me Ådlandsvegen og går inn i Ådlandsskogen. Foto: Sigmund Erland

Inne i Ådlandsskogen. Foto: Sigmund Erland

Me går vidare etter pausen. Foto: Sigmund Erland

Og her ser me rekkehus lengst sørvest i Brotåsen. Foto: Sigmund Erland

Me går på den gamle ferdavegen mellom Ådland og Tyse. Steingarden me ser på bildet, er bygd på grensa mellom desse to gardane, og den skal bevarast slik den er i dag. Foto: Sigmund Erland

Turleiaren orienterer m.a. om den gamle ferdavegen, og om det som er bevaringsverdig. Foto: Anders Stavland

Me er komne ut av Ådlandsskogen og inn på turløypa i Prestagardsskogen. Foto: Sigmund Erland

Her går me oppover mot Nordbygdo ungdomsskule. Foto: Sigmund Erland

Me skal ha matpause på den halvsirkelforma plattingen oppe ved skulen. Foto: Sigmund Erland.

Her var det plass til alle turdeltakarane. Foto: Sigmund Erland

Me går vidare etter matpausen. Foto: Sigmund Erland

Me går forbi Hystad skule. Telenor si mast på Håvåsen i bakgrunnen. Foto: Sigmund Erland

Her går me oppover mot Telenor sin stasjon på Håvåsen. Foto: Sigmund Erland

Gruppebilde på Håvåsen. Foto: Anders Stavland

Frå Hovåsen går me nedover forbi Furuly barnehage. Foto: Sigmund Erland

Og kjem ned til Spar-butikken i Ådlandsfeltet. Foto: Sigmund Erland

Me går frå Spar-butikken og ned på Ådlandsvegen. Etter ca. 150 m på denne vegen, tar me til høgre i retning mot Lekven-eigedomen. Foto: Sigmund Erland

Husa på Lekven-eigedomen. Bildet er tatt frå Ådlandsvegen. Foto: Sigmund Erland

Her ser me løa på denne garden. Foto: Sigmund Erland

Me nærmar oss gardstunet. Foto: Sigmund Erland

Her er me på tunet, og turleiaren fortel om staden. Foto: Anders Stavland

Me forlet Lekven-eigedomen. Foto: Sigmund Erland

Og går inn i Ådlandsskogen igjen. Foto: Sigmund Erland

Dette stikrysset har me gått gjennom tidlegare på turen, og «ringen er slutta». Me tek her til venstre i dette krysset for å koma tilbake til parkeringsplassen på Saneset. Foto: Sigmund Erland

Me kjem ut av Ådlandsskogen og ned på Ådlandsvegen. Foto: Sigmund Erland

Og her kjem me tilbake til parkeringsplassen. Foto: Sigmund Erland

Turleiaren blei takka for ein kjekk tur på stiar og stader der mange ikkje hadde vore før. Foto: Sigmund Erland

ALTERNATIV TUR

Det var 14 turdeltakarar som gjekk alternativ tur.

Turen gjekk til gapahuken i Skjepåsen.

Her er bilder frå turen: