Månad: oktober 2024

I alt møtte det opp 33 turdeltakarar denne dagen.

22 av desse var med på turen til Tjobergshaugen.

Turlengd: Ca. 4 km

Turleiar: Jens Ivar Østvik

Me parkerte bilane ved Halsnøy skytebane. Derifrå gjekk me på merka sti søraustover opp til Tjobergshaugen, der me hadde matpause. Etter matpausen følgde me same stien tilbake til Halsnøy skytebane.

ALTERNATIV TUR

11 mann, som av ymse grunnar ikkje skulle til Halsnøy, stilte på Vabakken kl. 09.00. Framlegg om tur til lysløypo på fjellet vart samrøystes vedteke. Me parkerte ved kraftstasjonen. Der var det noko anleggsarbeid, men god plass. Turen gjekk langs elvo, til fjellvegen, forbi Lundarstøl, og på lysløypo til vegen til Hetlesæter tek av. Der snudde me og gjekk attende til Gapahuken ved Lundarstøl der nisten blei inntatt. Smil fekk me og, og etter matøkta var det ringkasttevling. Den vart vunnen av Norvald. Etter fotosession var det attende til bilane og heimtur.

Referent: Helge Heiberg-Andersen

Her er bilder frå turen:

I alt møtte det opp 41 turdeltakarar frå Stord GPT og 13 turdeltakarar frå GPT – Bømlo denne dagen.

Ca. 10-15 turdeltakarar gjekk alternativ tur direkte frå Vabakkjen ned til verftet på Kjøtteinen.

Resten av dei frammøtte køyrde med bilar og parkerte ved Eldøy Båthamn.

Turleiar: Oddbjørn Kvålsvold

Frå Eldøy Båthamn gjekk me langs vegane Krono, Eldøyane, Verftsvegen, Nedre Hageby og Kjøtteinsvegen fram til Aker Solutions på Stord. Me hadde matpause i Velferdshuset der me fekk servert kaffi og wienerbrød, og kommunikasjonsdirektør Odd Naustdal heldt interessant foredrag for oss om verftet frå starten av og fram til i dag. Etterpå var det besøk på Industrimuseet der me kunne gå rundt å sjå på gjenstander og bilder frå tidlegare tider. Og folk frå historiegruppa svarte velvillig på spørsmål når me lurte på noko. Turen tilbake til bilane gjekk langs vegane Verftsvegen, Lauvdalen, Eldøyvegen, Høgestølen, Hybelsneset og Nesjahaugen. Det var på alle måtar ein godt planlagt, og særs vellukka, tur.

Me gjekk saman med GPT – Bømlo denne dagen, og me var ein heil flokk på tur.
Foto: Sigmund Erland

I alt møtte det opp 38 denne dagen.

27 av desse var med på turen til Rossneset.

Turlengd: Ca. 3,5 km

Turleiar: Egil Isdal

Me parkerte bilane ved krysset Isdalsvegen/Litlabøvegen. Derifrå gjekk me ca. 0,5 km austover langs Litlabøvegen før me tok av til venstre og gjekk inn i skogen. Me gjekk sørover og vestover til me kom til Osen, og vidare til «Bålhuset» der me hadde matpause. Etter matpausen gjekk me til gruvetunnel nesten heilt ytterst på Rossneset. Derifrå gjekk me same vegen tilbake ca. 0,5 km, gjekk forbi staden Botsvik, og følgde vegen Båtsvikjo tilbake til parkeringsplassen.

ALTERNATIV TUR

Det var 11 turdeltakarar som gjekk alternativ tur til Hauglandskverna.

Her er bilder og videoar frå turen:

Alle bilder og videoar er mottatt frå Bjørn Østrem.