Tur 908 Rundtur frå Løvegapet til Dyrnes Fyr den 18.04.2024.

I alt møtte det opp 38 turdeltakarar denne dagen.

21 av desse gjekk denne rundturen.

Turlengd: 6-7 km.

Turleiar: Arne Haugland

Bilane blei parkerte på parkeringplass ved Bømlavegen, ca. 300 m sør for fjellformasjonen «Løvegapet». Turstien starta på andre sida av Bømlavegen med retning mot sør/vest. Etter ca. 1 km passerte me stranda i botn av Roaldsfjorden der det var mykje plast og anna boss som hadde reke i land. Ca. 800 m lenger framme kom me fram til Sætrehilleren, nesten innerst i Sætrefjorden. Arkeologiske funn viser at det har budd folk her i lange tider, frå steinalderen og fram til 5-600 år e. Kr. Me gjekk vidare frå Sætrehilleren til Dyrnes fyrlykt, ei strekning på ca. 1 km. Fyrlykta blei sett i drift i 1910. Først med parafindrift, men frå 1993 med straum frå solcellepanel. Frå Dyrnes gjekk turen ca. 2,2 km mot nord/aust til Skipavik. Derifrå ca. 1,2 km på Skipavikvegen og langs Bømlavegen tilbake til parkeringsplassen.