Månad: mars 2024

I alt møtte det opp 46 turdeltakarar denne dagen.

31 av desse gjekk turen sørover frå Øvrebygda skule i retning mot Svartasmoget.

Bilane blei parkerte ikkje langt frå  Øvrebygda skule. Turen gjekk på skogsveg sørover med stigning frå 37 til 150 moh.  På turen oppover gjekk me forbi 4H gapahuken, som ligg på austsida av Klovadalsstjørna. Vidare gjekk me på vestsida av Osphovdetjørna fram til Osphovda, også kalla «flasko», som er eit vanleg turmål for folk i Øvrebygda. Der har Øvrebygda Vel sett opp kasse med turbok i. På turen vidare opp mot det høgaste punktet på skogsvegen (150 moh), passerte me staden der stien til Surefjell tar av frå skogsvegen. På toppen var me ca. 2-300 m frå Svartasmoget, og hadde utsikt mot Rubbestadneset. Me snudde på toppen av skogsvegen, og gjekk same vegen tilbake til bilane. På veg nedover tok me matpausen i 4H gapahuken, som me hadde gått forbi på veg oppover.

-o-o-o-

Det var 15 turdeltakarar som gjekk alternativ tur i Hustrudalen.

I alt møtte det opp 44 turdeltakarar denne dagen.

32 stk. gjekk turen frå Isdal skytebane, rundt Ulvatjødno, og tilbake til Isdal skytebane.

Turen starta og slutta på parkeringsplassen ved Isdal skytebane. Me gjekk først til Ulvatjødno. Deretter eit stykke i retning mot Øvre Økland, og så tilbake igjen forbi Hjartåsen til Isdal Skytebane. Viser til kartutsnitt med inntegna turtrase nedanfor.

-o-o-o-

Det var 12 stk. som gjekk alternativ tur frå Møllebrua til gapahuken i Stuvvika, og tilbake igjen.